Reagim i Kryetarit të Radhës së OSBE-së, Edi Rama për rikthim të armëpushimit rreth Nagorno-Karabakut

Kryetari i Radhës së OSBE-së, Kryeministri dhe Ministri i Shqipërisë për Evropën dhe Punët e Jashtme, Edi Rama,  pas rritjes dramatike të dhunës përgjatë vijës se kontaktit kufitare  të rajonit të Nagorno-Karabakut  dhe raporteve  për  viktima  të civilëve,  bëri thirrje për ndalimin urgjent të përshkallëzimit të  situatës. “Unë  ju bëj thirrje të gjithë të përfshirëve në këtë situatë  të  rikthejnë armëpushimin  përpara se numri i njerëzve të rritet më tej,” u shpreh  Rama.

Kryetari i Radhës së OSBE-së, Rama vuri në dukje se bashkë-kryetarët e Grupit të Minsk-ut të OSBE-së dhe Përfaqësuesi Personal i Kryetarit të Radhës, Ambasadori Andrzej Kasprzyk, kanë qenë në kontakt të ngushtë me palët. Kryetari i Radhës, Rama mbështet plotësisht përpjekjet e tyre për të stabilizuar situatën në terren dhe përsëriti se nuk ka asnjë alternativë për një zgjidhje paqësore të negociuar të konfliktit. Ai nënvizoi mbështetjen e tij për përpjekjet e gjithanshme për të rifilluar sa më shpejt të jetë e mundur negociatat  thelbësore pa parakushte. Kryetari i Radhës Rama gjithashtu shprehu ngushëllimet e tij për familjet e atyre që humbën jetën.